Հունիսի 28-ին աշխատանքային այցով Գեղարքունիքի մարզում էր ՀՀ առողջապահության նախարար Հարություն Քուշկյանը: Այցի նպատակն էր ծանոթանալ մարզի բուժհաստատություններում իրականացվող շինարարական աշխատանքների ընթացքին:Սկզբում նախարարը եղավ Գավառի բժշկական կենտրոնում, ծանոթացավ եվ անհրաժեշտ ցուցումներ տվեց Համաշխարհային բանկի «Առողջապահության համակարգի արդիականացում վարկային ծրագրի շրջանակներում իրականացվող շինարարական աշխատանքների ընթացքին: Հարկ է նշել, որ Գավառի բժշկական կենտրոնը ստեղծվել է Գավառի հիվանդանոցի եվ ծննդատան միաձուլման արդյունքում: Այստեղ նախատեսված են բոլոր ծառայությունները (բացառությամբ ինֆեկցիոն-տուբերկուլոզային) տեղափոխել քաղաքի կենտրոնում` բնակչության համար առավել մատչելի վայրում գտնվող Գավառի ծննդատան մասնաշենք: Վարկային ծրագրի հավելյալ ֆինանսավորման շրջանակներում նախատեսվել են լրացուցիչ աշխատանքներ` շենքի երեսպատում ջերմամեկուսացման նպատակով, տարածքի բարեկարգում, արտաքին լուսավորություն, 5-մահճակալանոց ինֆեկցիոն բաժանմունքի տեղակայում տնտեսական մասնաշենքում, դիահերձարանի կառուցում: Վերանորոգման աշխատանքների ավարտից հետո բժշկական կենտրոնը վարկային ծրագրի շրջանակներում կհագեցվի ժամանակակից բժշկական սարքավորումներով, կահույքով եվ այլ պարագաներով: Բժշկական կենտրոնը նախատեսվում է շահագործման հանձնել 2011 թվականի հոկտեմբեր ամսվա ընթացքում:Այնուհետեվ Հարություն Քուշկյանը Սեվանի պոլիկլինիկայում ծանոթացավ Հայաստանի սոցիալական ներդրումների հիմնադրամի միջոցով իրականացվող շինարարական աշխատանքների ընթացքին: Հիմնախնդիրներին ծանոթանալու նպատակով նախարարը եղավ նաեվ Սեվանի հիվանդանոցում:
|